香港小姐選美

男白: 嘩! 阿妹, 著到彩雀咁靚去邊呀?
女白: 去選美囉.
男白: 你咁既貓樣學人選美?
女白: 失禮.

男: 你居然敢去共人地鬥呀
女: 天賦身材特出人未有
男: 你靚又唔係靚　個頭唔係夠
女: 一味夠膽台前亂咁扭囉
男: 喂　要問答播　你智力智識完全唔係有
女: 只要背境靠山勢力厚
男: 車　講馬嘴　你話左去牛頭　搞到主持亂龍又冇收
女: 我有辦法
男: 咁錯左點補救呀
女: 我認我在國外進修囉
男: 乞嗤呀
女: 聽到中文　唏老土兼落後
男: 你咁出場呀直情係獻醜唧
女: 我冠軍相播
男: 你定得過檯油呀
女: 港姐尊榮呀實行奪到手
男: 到時望見阿何Ｂ眉又皺　只見到阿KING佢窒人窒到嬲
你實行落選呀定會眼淚流
女: 出場堅決同佢地鬥

男白: 唏阿妹, 我都係勸你唔好去呢.
女白: 點解喎?
男白: 唉, 到時你落選呀會醜架!
女白: 蝦! 你話我唔得咩? 我邊落唔得唧?
男白: 得, 身材正丫嘛.
女白: 駛乜講呀!
男白: 游水桶咁! 38, 38, 都係38!
女白: 我啋!